Начало

 

BIOGARAFIAJ INFORMOJ

KIU ESTAS ANGEL SOTIROV?

 

      Li estas naskita je la 20-an de junio (lia patrino havas alian opinion) 1944 j. en vilagxo Vasil Levski, distrikto Stara zagora – Bulgario. Bazan klerigon li ricevas senpene kiel integrita lernanto en la lernejo sia naskigxvilagxo, mezan – en urbo Varna. Li estas filicxe eksedzigita kaj PLI OOL TRIDEK jarojn sxajne ankoraux pli felicxe preskau fiancxigita. Kvazaux estas certe, ke li estas patro de du bonegaj filinoj – Tonislava Sotirova kaj Neda Klenska.

      Lia kuzo Georgi Angelov en la auxtuno de 1959j. tute senprobleme esperantistigis Angel Sotirov, liverante al li lernolibron kaj du vortaretojn. La sama parenco estas lia unua Esperanto-lektoro,instruante al li du-tri lecionojn, post kiam la instruato dauxrigas iom da tempo la lernadon sola, auxtodidakte. Liaj pluaj Esperanto-instruistoj estas Aleksandar Placxkov, Pencxo Petrov, Fani Mihajlova. Bedauxrinde, cx. Dek jarojn (1968-1978) nia teksta heroo malaligxas esperantistan movadon kaj farigxas vera kabeinto.

      Angel Sotirov estas kandidatbakalauxro pri korbplektado kaj magistro pri psikologio. Kiel usona verkisto, profesie li realigis sin plej-varie.Li laboris en kelkaj produktentreprenoj kiel korbplektisto, sxpinisto kaj muntisto de Elektra bezonajxoj, metalpresisto k. a. Ne tre sukcese, li provis esti kelkajn jarojn kaj vendisto de blindulhelpiloj. Li ankaux ekspertadis en Centra oficejo de la Unio de la bulgaraj blinduloj. Longan tempon li direktoradis en la Nacia porblindula rekapabligcentro, kieli ankaux psikoterapeuxtas. Li instruadis multajn jarojn en kelkaj profesiaj kaj altlernejoj.

      Do, lia hobio estas la verkado de sciencformaj, jxurnalistsimilaj kaj kvazausatiraj tekstoj, inkluzive en esperanto. Ecx li estas auxtoro de sep ne tre dikaj libroj: "La blinduloj en spegulo de la aliaj"(2000), "La bulgaraj organizacioj de blinduloj – hieraux kaj hodiau"(2004), "Rekapabligo de homoj kun viddifekto"(2007), "Verdaj grafomanioj"(2011), "Pri la bulgaraj migrintoj el Karaklise kaj pri ilia parolo" (2016), "Siluetoj en la krepusko (2017). Li kunauxtoris kune kun Albena Aleksieva de libretto "La hundo-kondukanto"(2000).
      Eble estus sciinde, ke sep jarojn li estas redaktoro, eldonanto kaj disvastigamto de la parolanta revuo "Literatura revuo". La dektrian de februaro 2006 j. ekaperis en la interreto ankaux alia lia amata ido – lia persona retpagxaro sotiroff.net En gxi estas du esperantlingvaj rubrikoj.

      Certe pro sia kamparana deveno, la alia sxatokupo de Angel Sotirov estas surbalkona legom- kaj vitkulturado. La plej –fresxaj liaj hobioj estas fruktarbkulturado, sed ne surbalkona kaj vinfarado. De 2008 j. nia verdokula rolulo jam en varmaj monatoj fervore kaj obstine - fruktarbkulturadas en sia naskigxvilagxo, en nevarmaj monatoj lo precipe grafomanias en sia plovdiva apartamento.

Начало